Հոկտեմբերի 24-ին ՀՀ ԳԱԱ պատմության ինստիտուտը հյուրընկալել էր ՀՀ ՊՆ Պաշտպանական ազգային հետազոտական համալսարանի պետի պարտականությունները կատարող, գնդապետ, ք․գ․դ., պրոֆ․ Տ․ Քոչարյանին և ՀՀ ՊՆ ՊԱՀՀ-ի ռազմարվեստի պատմության հետազոտությունների կենտրոնի պետ, աշխարհագրական գիտությունների թեկնածու, դոցենտ, պահեսատզորի գնդապետ Ս․ Սուջյանին։ Կնքվեց գիտական համագործակցության հուշագիր ՀՀ ԳԱԱ ՊԻ-ի և ՀՀ ՊՆ ՊԱՀՀ-Ի միջև:
Համազգային հայ կրթական և մշակութային միության Երևանի գրասենյակի նախաձեռնությամբ և Հայաստանի ճարտարապետների պալատի համագործակցությամբ ս. թ. հոկտեմբերի 15-ին տեղի է ունեցել համահայկական գիտաժողով` Հայաստանի առաջին Հանրապետության առաջին վարչապետ «Հովհաննես Քաջազնունին ճարտարապետ» խորագրով։
Թբիլիսիի Ի․ Ջավախիշվիլու անվան պետական համալսարանի պատմության և ազգաբանության ինստիտուտը ՀՀ ԳԱԱ պատմության ինստիտուտի ու եվրոպական տարբեր գիտական հաստատությունների հետ համագործակցության պայմանագրերի շրջանակներում ս․թ․ հոկտեմբերի 3-5-ը Թբիլիսիում անցկացրեց «Ազգային ազատագրական և հակախորհրդային շարժումները Կովկասում և Արևելյան կենտրոնական Եվրոպայում հետվերսալյան ժամանակներից մինչև 1924 թ․» խորագրով երկօրյա միջազգային գիտաժողով։
Սեպտեմբերի 19-21-ը ԵՊՀ-ում տեղի ունեցավ «Հայերի ցեղասպանությունը. անցյալի և ներկայի ներհայեցումներ» խորագրով միջազգային եռօրյա գիտաժողով՝ նվիրված ավստրիացի գրող Ֆրանց Վերֆելի «Մուսա լեռան քառասուն օրը» վեպի 90-ամյակին։
Միջազգային գիտաժողովի մասնակիցները ծաղիկներ խոնարհեցին ԵՊՀ հիշատակի ծառուղում տեղակայված Ֆրանց Վերֆելի կիսանդրու մոտ՝ այդպիսով ազդարարելով միջոցառման մեկնարկը։
