ՀՀ ԳԱԱ պատմության ինստիտուտի գիտական քարտուղար Հակոբ Մուրադյանը 2026 թ. մարտի 11-ին մասնակցել է ՌԴ Ստավրոպոլ քաղաքում Հյուսիսկովկասյան դաշնային համալսարանի կազմակերպած ակադեմիկոս Յուրի Ալեքսանդրի Պոլյակովի ծննդյան 105-ամյակին նվիրված՝ «Социально-экономические и демографические процессы в России и зарубежных государствах в XVIII-XX вв.» խորագրով միջազգային գիտագործնական կոնֆերանսին, որտեղ հանդես է եկել «Демографическая политика Российской империи в отношении Карсского пашалыка в период русско-турецких войн 1806-1812 и 1828-1829 годов» վերնագրով զեկուցմամբ։

2026 թ. հուլիսի 17-ին ՀՀ ԳԱԱ պատմության ինստիտուտի Նոր դարերի պատմության բաժինը  կազմակերպում է հանրապետական գիտաժողով՝ նվիրված ՀՀ ԳԱԱ թղթակից-անդամ Ազատ Համբարյանի ծննդյան 100-ամյակին։

Գիտաժողովին մասնակցելու համար անհրաժեշտ է մինչև 2026 թ. հունիսի 10-ը էլ. հասցեին (Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։) ուղարկել մասնակցության հայտը (տե՛ս կից) և հիմնադրույթները (200-250 բառի սահմաններում)։ Հավանության արժանացած զեկուցումների հեղինակները կտեղեկացվեն 10-օրյա ժամկետում:

Զեկուցումների համար տրամադրվելու է 15 րոպե: Գիտաժողովի աշխատանքային լեզուներն են՝ հայերեն, անգլերեն, ռուսերեն: Գրախոսություն անցած զեկուցումները տպագրվելու են։

ԳԻՏԱԺՈՂՈՎԻ ՄԱՍՆԱԿՑՈՒԹՅԱՆ ՀԱՅՏ

ՀՀ ԳԱԱ պատմության ինստիտուտը 2026 թ. նոյեմբերի 27-ին կազմակերպում է «Պատմական սկզբնաղբյուրները հայկական գաղթավայրերի մասին» խորագրով միջազգային գիտաժողով՝ նվիրված Մխիթարյան միաբանության հիմնադիր Մխիթար Սեբաստացու ծննդյան 350-ամյակին:

Մասնակցել ցանկացողները մինչև սույն թվականի սեպտեմբերի 30-ը պետք է «Հայ գաղթօջախների և Սփյուռքի պատմության» բաժին (էլ-փոստ՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։) ներկայացնեն զեկուցման հիմնադրույթները 1 էջի սահմաններում՝ ներառյալ զեկուցման թեման, մասնակցի անունը և ազգանունը, ինչպես նաև այն հաստատությունը, որը ներկայացնում է զեկուցողը (անկախ հետազոտողները նույնպես կարող են մասնակցել): 10-օրյա ժամկետում հեղինակներին կտեղեկացվի իրենց թեմաների ընտրության վերաբերյալ:

Կազմկոմիտեի կողմից հավանության արժանացած թեմաները կներկայացվեն գիտաժողովում:

Գիտաժողովի աշխատանքային լեզուներն են՝ հայերենը, անգլերենը, ռուսերենը:

Գիտաժողովը կազմակերպվում է առկա և առցանց ձևաչափով:

Զեկուցումների համար տրամադրվելու է 15 րոպե:

Գիտաժողովում զեկուցված նյութերը տպագրվելու են Մխիթար Սեբաստացու ծննդյան 350-ամյակին նվիրված հոդվածների ժողովածուում:

Կեցության և սննդի ծախսերը հոգում են մասնակիցները կամ գործուղող կազմակերպությունները:

ՀՀ ԳԱԱ պատմության ինստիտուտի և Երևանի Վ. Բրյուսովի անվան պետական համալսարանի միջև 2022 թ. ստորագրված հուշագրի շրջանակներում ս./թ. փետրվարի 8-ից մինչև մարտի 20-ը համալսարանի թարգմանության ֆակուլտետի անգլերեն-հայերեն բաժնի 10 ուսանող իրենց մասնագիտական պրակտիկան անցան ինստիտուտում: Պրակտիկան ղեկավարում էր ինստիտուտի Հին դարերի բաժնի աշխատակից, փորձառու և հմուտ թարգմանիչ Հարություն Խուդանյանը:

2026 թ․ մարտի 28-ին ՀՀ ԳԱԱ Նախագահության նիստերի դահլիճում տեղի ունեցավ Պատմության ինստիտուտի ավագ գիտաշխատող, պ․գ․թ․ Կարեն Թոխաթյանի «Հայաստանի ժայռապատկերները» մենագրության շնորհանդեսը։

Սույն թվականի մարտի 27-ին, ժամը 14:00-ին ՀՀ Գիտությունների ազգային ակադեմիայի Նախագահության նիստերի դահլիճում տեղի է ունենալու Պատմության ինստիտուտի Հին դարերի պատմության բաժնի ավագ գիտաշխատող, պատմական գիտությունների թեկնածու Կարեն Թոխաթյանի «Հայաստանի ժայռապատկերները» մեծածավալ մենագրության շնորհանդեսը: Գիրքն անվանի հետազոտողի շուրջ 30-ամյա տքնաջան աշխատանքի արդյունքն է:

ՀՀ ԳԱԱ Պատմության ինստիտուտի Միջին դարերի պատմության բաժնի վարիչ Զ․ Գևորգյանը մասնակցել է Բելգիայի մայրաքաղաք Բրյուսելում 2026 թ․ մարտի 13-14-ը տեղի ունեցած «Studying Non-Elites in the Medieval Caucasus First International Conference of the Medieval Caucasus Network» միջնադարագիտական միջազգային գիտաժողովին, որտեղ հանդես է եկել «Կանայք, մասնավոր սեփականությունը և իշխանությունը․ ինչպես առևտուրը փոխեց կանանց սոցիալական դիրքը․ Մեծ Հայքից մինչև Կիլիկյան Հայաստան (12–14-րդ դարեր)» վերնագրով զեկուցմամբ։