Նախորդ տարի ՀՀ ԳԱԱ պատմության ինստիտուտի եւ Թբիլիսիի Ի. Ջավախիշվիլու անվան պետական համալսարանի Ի. Ջավախիշվիլու անվան պատմության ինստիտուտի համագործակցության արդյունքում 2024 թ. հոկտեմբերի 3-5-ը Թբիլիսիի պետական համալսարանում տեղի ունեցավ «ԱԶԳԱՅԻՆ-ԱԶԱՏԱԳՐԱԿԱՆ ԵՎ ՀԱԿԱԽՈՐՀՐԴԱՅԻՆ ՇԱՐԺՈՒՄՆԵՐԸ ԿՈՎԿԱՍՈՒՄ ԵՎ ԱՐԵՎԵԼՅԱՆ ԿԵՆՏՐՈՆԱԿԱՆ ԵՎՐՈՊԱՅՈՒՄ» խորագրով միջազգային գիտաժողով՝ նվիրված 1924 թվականի վրացական ապստամբության 100-ամյակին: Գիտաժողովին պատմության ինստիտուտից մասնակցում էին ՀՀ ԳԱԱ պատմության ինստիտուտի տնօրեն, պ.գ.դ., ակադեմիկոս Աշոտ Մելքոնյանը եւ հայկական կողմի ծրագրի համակարգող, նույն ինստիտուտի «Հին դարերի բաժնի» աշխատակից Հարություն Խուդանյանը: Ակադեմիկոս Ա. Մելքոնյանը ելույթ ունեցավ վրացերեն լեզվով՝ ներկայացնելով «Հակախորհրդային պայքարը Հայաստանի անկախության պահպանման համար 1920-1921 թվականներին» զեկուցումը: Զեկուցումների ծրագիրը, թեզիսները, և գիտաժողովի նյութերի ժողովածուն։

Հունիսի 4-ից 7-ը Ռուսաստանի Գիտությունների ակադեմիայի Հարավային գիտական կենտրոնում (Դոնի Ռոստով) տեղի ունեցավ «Հայրենական մեծ պատերազմը Ռուսաստանի հարավի ժողովուրդների պատմության և հիշողության մեջ. իրադարձություններ, մասնակիցներ, խորհրդանիշներ» խորագրով գիտական համաժողովը, որին մասնակցեցին Ռուսաստանի Դաշնության 30 սուբյեկտների և 10 արտասահմանյան երկրների 200 գիտնականներ։

2025 թ. հուլիսի 14-ին, ժամը 13⁰⁰-ին, ՀՀ ԳԱԱ պատմության ինստիտուտում տեղի կունենա ինստիտուտում գործող ՀՀ ԲԿԳԿ -ի Հայոց պատմության 004 մասնագիտական խորհրդի նիստ:

ОՐԱԿԱՐԳ

ԳԱՅԱՆԵ ՂԱԶԱՐՅԱՆԻ «ՀԱՅՐԵՆԱԴԱՐՁՆԵՐԸ ԽՈՐՀՐԴԱՅԻՆ ՀԱՅԱՍՏԱՆԻ ԱՌՕՐՅԱ ԿՅԱՆՔԻ ՀԱՄԱՏԵՔՍՏՈՒՄ (1946–1953 ԹԹ․)» ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅԱՆ ՀՐԱՊԱՐԱԿԱՅԻՆ ՊԱՇՏՊԱՆՈՒԹՅՈՒՆ:

Հունիսի 13-ին տեղի ունեցավ ՀՀ ԳԱԱ պատմության ինստիտուտի և ՌԴ Հյուսիս-Կովկասյան Դաշնային համալսարանի հետ ակտիվ համագործակցության արդյունքում հրատարակված («Россия и народы Закавказья (конец XVIII – начало XX века): модернизационные процессы и межкультурный диалог;сборник документов, Составители: Квициани Д.Д., Крючков И.В., Мелконян А.А. и др., Ставрополь, “Издатель Еремин С.В.”, 2024, 400 с.» և Амбарцумян К.Р., Величко Л.Н.,Крючков И.В., Меликян В.Г., Мелконян А.А., Саакян Р.О., Армянский вопрос вмеждународных отношениях (1895–1923 гг.), Ставрополь, 2024, 219 стр.) գիտական աշխատությունների շնորհանդեսը:

2025 թ. հունիսի 10-ին ՀՀ ԳԱԱ պատմության ինստիտուտում անցկացվեց «Հին Հայաստանի խորհրդանշաններն ու պատկերները» խորագրով միջազգային աշխատաժողովը, որը կազմակերպվել էր Պատմության ինստիտուտի Հին դարերի պատմության բաժնի կողմից։ Միջոցառումն անցկացվեց Իտալիայի Միջերկրածովյան և արևելյան հետազոտությունների ասոցիացիայի (ISMEO) հետ գիտական համագործակցության շրջանակում։

2025 թ. հունիսի 13-ին՝ ժամը 14:00-ին, ՀՀ ԳԱԱ Պատմության ինստիտուտի նիստերի դահլիճում (ք. Երևան, Մ. Բաղրամյան պող. 24/4, 1-ին հարկ) կկայանա հետևյալ գրքերի շնորհանդեսը՝ «Россия и народы Закавказья (конец XVIII – начало XX века): модернизационные процессы и межкультурный диалог (сборник документов)» (Ставрополь, 2024), «Армянский вопрос в международных отношениях (1895–1923)» (Ставрополь, 2024):